Mamlakatimizda elektrotexnika sanoatini rivojlantirish, ishlab chiqarish tarmoqlarini kengaytirish, importni optimallashtirish, xorijiy hamkorlar bilan yangi investitsiya loyihalari ustida ishlash kabi masalalarda “O‘zeltexsanoat” uyushmasi joriy yilning yanvar-mart oylari yakunlari bo‘yicha prognoz ko‘rsatkichlarini ortiq darajada bajarishga erishdi, deb xabar bermoqda uyushma matbuot xizmati.
Bugungi kunda uyushma tarkibiga 86 ta korxona a’zo bo‘lib, jumladan, kabel-sim mahsulotlari – 15 ta, maishiy texnika – 35 ta, elektrotexnika mahsulotlari – 36 tani tashkil etadi.
Hozirgi vaqtda korxonadagi ishchilar soni – 22 mingdan ortiq. Uyushma korxonalari tomonidan 2021 yil yanvar-mart oylari yakunlari bo‘yicha, mahsulot ishlab chiqarish hajmi 2 856,9 mlrd. so‘mga (272,1 mln. dollar) yetkazildi va reja 109,9 foizga bajarildi.
Investitsiya dasturi doirasida 19,4 mln dollarlik investitsiyalar o‘zlashtirilib, reja 104,8 foizga bajarildi (reja 18,5 mln.doll.), shundan 10,9 mln. dollar to‘g‘ridan-to‘g‘ri xorijiy investitsiya va kredit mablag‘larini tashkil etdi (reja 8,0 mln.doll.).
Joriy yilning yanvar-mart oylari holatlari bo‘yicha korxonalar tomonidan jami 104,3 mln. dollarlik mahsulotlar tashqi bozorlarga eksport qilindi (94,3 mln.doll).
Izoh qoldirish