Ana shunday manzillardan biri Samarqand viloyatidir. Dasturga viloyatning 4 ta mahallasida – Kattaqo‘rg‘on tumanidagi “Cho‘yanchi”, Oqdaryodagi “Yangiqo‘rg‘on”, Pastdarg‘omdagi “Olti qahramon” va Ishtixondagi “Chag‘atoy” mahallalari kiritilgan.
Bugungi kunda tanlab olingan mahallalarda 18 679 nafar aholi istiqomat qilib kelmoqda. Ushbu manzillarda “Obod xonadon”, “Obod ko‘cha” va “Obod mahalla” mezonlarini joriy etish bo‘yicha “xonadonbay” xatlov o‘tkazilib, hududlar kesimida “Yo‘l xaritalari” ishlab chiqildi va ishlar boshlab yuborildi.
Prezident maslahatchisi G‘ofurjon Mirzayev boshchiligidagi Respublika ishchi guruhi tomonidan mahalla infratuzilmasini yaxshilash maqsadida tanlab olingan hududlarda jami 44 ta ko‘cha obodonlashtirildi.
Xususan, elektr ta’minotini yaxshilash maqsadida 362 dona eski simyog‘ochlar yangi temir-beton ustunlarga almashtirildi, 19 ta TP punktlari kapital tamirlandi va 5 ta yangi TP o‘rnatildi, 1,6 km uzunlikdagi SIP kabellar tortildi.
Mahallalardagi ichki yo‘llarning jami 8,2 km qismiga asfalt yotqizildi va 39,9 km uzunlikdagi qismi shag‘allashtirildi. Hududlardan o‘tuvchi jami 4,7 km uzunlikdagi ariq va zovurlar tozalandi.
Gaz ta’minotini yaxshilash maqsadida jami 45 ta GTP kapital ta’mirlandi va 27,0 km gaz quvurlari joriy ta’mirlandi. Shuningdek, 9 ta isitish qozonlari qayta rekonstruksiya qilindi.
Hududidagi ijtimoiy soha ob’yektlariga jami 65,3 tonna va aholi xonadonlariga 4,0 tonna ko‘mir mahsulotlari yetkazib berildi.
Ichimlik suvi ta’minotini yaxshilash bo‘yicha 3,7 km uzunlikdagi suv quvurlari tortildi, shu jumladan 4 dona suv inshooti o‘rnatildi.
Mahallalardagi mavjud 13 ta qabriston to‘liq tozalandi, mavjud daraxtlarga shakl berilib, obodonlashtirish ishlari olib borildi.
Mahalla binosi va ijtimoiy ob’yektlardagi kamchiliklarni bartaraf etish yo‘nalishida mahalla beshligi uchun yangi xizmat binosini qurish ishlari boshlandi. Hududlardagi 2 ta umumta’lim maktabida kapital ta’mirlash ishlari yakunlandi.
Aholi sog‘lig‘ini yaxshilash maqsadida 9 mingga yaqin fuqaro chuqurlashtirilgan tibbiy ko‘rikdan o‘tkazildi shuningek, 560 ta fuqaroga bepul dori-darmon vositalari bilan ta’minlandi. Jami 65 nafar fuqaro viloyat va tuman sog‘liqni saqlash muassasalarida sog‘lig‘i tiklandi.
Ishlar davom etmoqda.
Izoh qoldirish