The Guardian нашрининг хабар беришича, испан компаниясидаги бундай ўзгаришлар коронавирус пандемияси вақтида онлайн-савдолар ўсгани билан боғланган. Қисқартиришлар Zara, Bershka, Pull & Bear ва Massimo Dutti каби брендларнинг эскироқ дўконларини қамраб олади.
Компания аксарият Осиё ва Европадаги дўконларини ёпишни режалаштирмоқда. Шундан кейин дўконлар сони 6700-6900 тагача камаяди. Шу билан бирга компания 450 та янги дўкон очишни режалаштирмоқда. Ўзгаришлар ходимлар сонига таъсир қилмайди. Ёпилган дўконлар ходимларига бошқа иш таклиф этилади, мисол учун, улар онлайн-харидларга ўтказилади.
Компаниянинг онлайн-савдолари чорак бўйича 50 фоизга ва апрелда 95 фоизга ўсди. Бироқ шунга қарамай, Inditex пандемия вақтида зарар кўрди. 1 февралдан 30 апрелгача компания савдолари 44 фоизга – 3,3 млрд еврогача тушиб кетди. Ритейлернинг маълум қилишича, чорак бўйича соф зарар 409 млн еврони ташкил қилган. Компания дўконларининг чорак қисми 8 июнгача ёпиқ қолган. Миллиардер Амансио Ортега компанияси 2022 йилгача онлайн-савдони ривожлантиришга 1 млрд евро ва дўконлар сайтлар билан яхшироқ уйғунлашиши учун яна 1,7 млрд евро сарфлашни режалаштирмоқда.
Izoh qoldirish