Россияга Тошкент вилоятининг Зангиота туманидаги Tashkent Pharma Park илмий-ишлаб чиқариш фармацевтика кластери ҳудудида COVID-19 га қарши вакциналар ишлаб чиқариш таклиф этилди. Ушбу таклифни Россия томонига 4 декабрь куни давра суҳбатида Фармацевтика саноатини ривожлантириш агентлиги директори Сардор Кариев киритди.
43,75 гектар майдонда Tashkent Pharma Park қурилиши январь ойи охирида бошланди. Кластер таркибига фармацевтика техника университети, шунингдек, ўзининг инфратузилмаси бўлган саноат зонаси киради. 2020-2024 йилларда 191 млн долларлик лойиҳани амалга ошириш режалаштирилган.
Лойиҳанинг қиймати 53 млн долларни, ишлаб чиқариш қуввати 120 млн донани ташкил қилади.
Ҳозирги вақтда иммунобиологик вакциналар импортининг улуши 92 фоизни ташкил этади.
Изоҳ қолдириш