14 октябрь куни соғлиқни сақлаш соҳасида оммавий қабул бўлиб ўтади
Аҳолига янада қулайлик яратиш мақсадида тадбир давомида юқори малакали шифокорлар иштирокида тиббий кўриклар ҳам ташкил этилади.
Фуқароларнинг соғлиқни сақлаш соҳасидаги мурожаатларини ҳал этиш мақсадида 14 октябрь куни соғлиқни сақлаш, тиббиёт ҳамда ижтимоий ҳимоя тизимидаги идора ва ташкилотлар, шаҳар ва туман ҳокимликлари, ҳудудий ташкилотлар раҳбарлари иштирокида оммавий қабул ўтказилади.
Аҳоли билан очиқ мулоқотда Вазирлар Маҳкамасининг таълим ва соғлиқни сақлаш масалалари котибияти, Соғлиқни сақлаш вазирлиги, Бандлик ва меҳнат муносабатлари вазирлиги, Тиббий-ижтимоий хизматларни ривожлантириш агентлиги, Молия вазирлиги ҳузуридаги бюджетдан ташқари пенсия жамғармаси, Фармацевтика тармоғини ривожлантириш агентлиги, Санитария-эпидемиологик осойишталик ва жамоат саломатлиги хизмати, “Дори-дармон” АЖ, Тошкент шаҳри ва туманлари ҳокимларининг ушбу соҳага масъул ўринбосарлари ҳамда бошқа идоралар раҳбарлари фуқароларни қабул қилади.
Аҳолига янада қулайлик яратиш мақсадида тадбир давомида юқори малакали шифокорлар иштирокида тиббий кўриклар ҳам ташкил этилади.
Оммавий қабул жорий йилнинг 14 октябрь куни соат 11:00 да Тошкент вилояти Зангиота туманида жойлашган Коронавирусга қарши махсус “Зангиота-2” клиникаси ҳудудида ўтказилади.
Изоҳ қолдириш