Бухоро вилоятининг 2022 йил III чорак макроиқтисодий кўрсаткичлар таҳлили

Бухоро вилоятининг 2022 йил III чорак макроиқтисодий кўрсаткичлар таҳлили

Ушбу даврда Бухоро вилояти ЯҲМ ҳажми 32,6 трлн. сўмни ташкил этган ҳолда ўтган йилги мос даврга нисбатан 4,8%га ўсган, шунингдек, ЯИМ таркибида вилоятнинг ҳиссаси 5,2%ни ташкил этган. Аҳоли жон бошига тўғри келадиган ЯҲМ ҳажми эса 16 386 минг сўмни ташкил қилиб, ўтган йилнинг мос даврга нисбатан 3,2%га ошган.

Ҳудуд иқтисодиётининг барча тармоқларида яратилган ялпи қўшилган қиймат ҳажми ЯҲМнинг 95,4%ини ташкил этган бўлса, маҳсулотларга соф солиқлар эса 4,6%ини ташкил этган.

ЯҲМнинг тармоқлар бўйича таркибида саноат улуши қурилишни қўшган ҳолда 26,5% (2021 йилда 24,2%), қишлоқ хўжалиги улуши 43,1% (2021 йилда 45,9%) ва хизмат кўрсатиш улуши 30,4% (2021 йилда 29,9%) ни ташкил этган.

Республика макроиқтисодий кўрсаткичларини шаклланишида вилоятнинг ҳиссаси аҳамиятли ҳисобланади. ЯИМда вилоятнинг ҳиссаси 5,2%ни ташкил этиб, ҳуддудлар ичида 8-ўринда бўлсада, асосий капиталга инвестициялар киритишда 8,3%ни ташкил этиб 3-ўрин, қурилиш ишлари бўйича 6,5%ни ташкил этиб 5-ўринни ва қишлоқ хўжалиги соҳасида 9,3%ни ташкил этиб, 6-ўринни эгаллаган.

Вилоят аҳоли жон бошига асосий иқтисодий кўрсаткичларни ҳисоблаганда республика бўйича ўртача кўрсаткичларидан юқори. Жумладан, аҳоли жон бошига ЯҲМ ҳажми бўйича ҳудудлар ичида 4-ўрин, асосий капиталга инвестициялар киритиш соҳасида 4-ўрин, қишлоқ хўжалиги соҳаси бўйича 3-ўрин, кўрсатилган бозор хизматлари ва чакана савда айланмаси соҳасида 4-ўриндалиги аҳамиятлидир.

Муртазаев Ардашер
Иқтисодий тадқиқотлар ва ислоҳотлар маркази
Мақолани улашинг

Ўхшаш янгиликлар