2023 йил 22 сентябрь куни Ўзбекистон Республикаси Президенти Администрацияси ҳузуридаги Иқтисодий тадқиқотлар ва ислоҳотлар марказига Халқаро валюта жамғармасининг (ХВЖ) ходимлар малакасини ошириш маркази раҳбари, Вена ҳамкорлик институти (JVI) директори Эрве Жоли ташриф буюрди.
JVI 1992 йилда Австрия ҳукумат идоралари (Молия вазирлиги ва Австрия Миллий банки), ХВЖ ва бошқа бир қатор халқаро ташкилотлар томонидан ташкил етилган. ХВЖ минтақавий ўқув маркази асосан Марказий, Шарқий ва Жануби-Шарқий Европа, Кавказ ва Марказий Осиё мамлакатларидан келган давлат хизматчилари учун мўлжалланган.
JVI макроиқтисодий сиёсатни ишлаб чиқиш ва бошқариш бўйича курслар, семинарлар ва амалий машғулотларни таклиф этади; пул-кредит сиёсати ва валюта курслари тизими; молия сектори барқарорлиги; қарзларнинг барқарорлиги ва бошқаруви; солиқ сиёсати ва даромадларни бошқариш; харажатларни бошқариш; молия институтлари ва давлат бошқаруви; қонунчилик базаси; макроиқтисодий ва молиявий статистика ва бошқа ихтисослашган мавзулар.
Марказ директори Обид Хакимов Вена ҳамкорлик институтининг (JVI) ўзаро алоқаларни ривожлантириш, ходимлар малакасини мунтазам ошириб бориш ва уларнинг иштироки қамровини кенгайтириш борасидаги кўмагини юқори баҳолади.
Ҳозирда Иқтисодий тадқиқотлар ва ислоҳотлар маркази ходимлари Вена ҳамкорлик институтида ташкил этилаётган 10 дан ортиқ ўқув курслари, 25 га яқин онлайн курсларида билимларини оширмоқда. Шунингдек, 2023 йил сентябрь ойида Ўзбекистонда ўтказиладиган “Молиявий дастурлаш ва сиёсат” (FPP) мавзусидаги ўқув курсида Марказ ходимлари иштирок этиши режалаштирилган.
Эрве Жоли ташрифи давомида, Марказ ходимлари учун Вена Институтининг барча онлайн ўқув курсларида тўғридан-тўғри иштирок этиш ҳамда Институтнинг бой ахборот ресурс базаларидан эркин фойдаланиш имкониятлари тақдим этилишини маълум қилди.
ХВЖ курслари макроиқтисодий ва молиявий секторларни бошқариш бўйича кенг маълумот беради ва уларнинг баъзилари эса алоҳида мавзуларга қаратилган.
Барча курслар Австрия ва бошқа Европа Иттифоқи мамлакатлари тажрибасига асосланган бўлиб, кўплаб амалиётчиларни, шу жумладан ўзаро таълимнинг муҳим таркибий қисмини ўз ичига олади.
Шунингдек, Иқтисодий тадқиқотлар ва ислоҳотлар маркази Олматадаги (Қозоғистон) ХВЖнинг Кавказ, Марказий Осиё ва Мўғилистон ҳудудий салоҳиятни ривожлантириш марказининг (CCAMTAC) билан ҳамкорликда иқтисодий сиёсатни юритиш ва моделлаштириш борасида ҳамкорликни йўлга қўйишга тайёр эканлиги таъкидланди.
Учрашув давомида Эрве Жоли Иқтисодий тадқиқотлар ва ислоҳотлар маркази ходимларига барча JVI онлайн курсларида бевосита иштирок этиш ва институтнинг бой ахборот-ресурс базаларидан эркин фойдаланиш имконияти берилишини айтди.
Иқтисодий тадқиқотлар ва ислоҳотлар маркази директори Вена ҳамкорлик институтининг ўзаро алоқаларни ривожлантириш, ходимлар малакасини мунтазам ошириб бориш, Барқарор ривожланиш мақсадларига (SDG) эришишда ёрдам бергани, шунингдек, иқтисодиёт, молия, халқаро савдо-сотиқ, моделлаштириш ва солиққа оид ўқув курсларида иштирокини мунтазам таъминлаш йўлида ҳамкорлик ва кўмак учун миннатдорчилик билдирилди.
Шу билан бирга келгусида Иқтисодий тадқиқотлар ва ислоҳотлар маркази вазифа ва йўналишларидан келиб чиққан ҳолда Молиявий бозорлар (Financial markets), энергия самарадорлиги (Energy efficiency), Меҳнат унумдорлиги (Labour productivity), Қишлоқ хўжалигида ер, сув, капитал унумдорлиги (Water, land, capital productivity in agriculture) йўналишлари Ўзбекистон иқтисодиёти учун энг долзарб йўналишлар эканлиги таъкидланди. Ҳамда ўқув курсларида мазкур мавзуларни киритиш бўйича таклифлар берилди.
Шунингдек томонлар кейинчалик ўқув курсларига илмий ходимларни ўқитишни олдиндан режалаштириш бўйича келишувга эришишди ва устуворлиги юқори бўлган курслар рўйхатини шакллантиришга келишилди.
Иқтисодий тадқиқотлар ва ислоҳотлар маркази
Жамоатчилик билан алоқалар бўлими
Изоҳ қолдириш