Иқтисодий тадқиқотлар ва ислоҳотлар маркази томонидан ҳисобланган Ишбилармонлик фаоллиги индекси июнь ойида 3,4 фоизга ошди

ИФИ Компонентлар даражасида қуйидаги ўзгаришлар бўлган

2021 йилнинг июнь ойида Ишбилармонлик фаоллиги индекси ўтган ойга нисбатан 3,4 фоизга ошди, 1 034 бирликни ташкил этиши, қуйидаги компонентлар даражасидаги ўзгаришларга боғлиқ бўлган:

• хўжалик юритувчи субъектларнинг банк ҳисобварақаларидаги опреациялар сони 6,9 фоизга кўпайди;
• фаолият кўрсатаётган хўжалик юритувчи субъектлар бўйича компонент 0,9 фоизга ошди;
• товар-хом ашё биржасида хом ашё сотиб олиш жадаллиги 2,2 фоизга ошди;
• товар белгилари бўйича компонент 4,2 фоизга камайган.

Ҳудудлар кесимида Сурхондарё вилоятида энг юқори ўсиш суръати қайд этилган.

2021 йил июнь ойида Ишбилармонлик фаоллиги индекси 12 та ҳудудда ўтган ойга (2021 йил май) нисбатан ўсиш кузатилган. Тошкент шаҳрида (42,7%), Сурхондарё (48,0%), Бухоро (28,6%), Қашқадарё (21,4%) вилоятлари ва Қорақалпоғистон Республикасида (39,1%)сезиларли даражада ўсиш кузатилган (2-расм).

Шу билан бирга Жиззах (- 7,3%), Тошкент (- 1,1%) вилоятларида ўтган ойга нисбатан пасайиш кузатилган.

БАНК ҲИСОБ ВАРАҚАЛАРИ БЎЙИЧА ОПЕРАЦИЯЛАР

2021 йил июнь ойида банклараро тўлов операциялари сони 4 890,8 мингтани ташкил этди ва 2021 йилнинг майига нисбатан 314,0 минг транзакцияга (6,9%) ошди.

Банклараро тўлов операциялари сони барча ҳудудларда кўпайди.

2021 йил июнь ойида республиканинг барча ҳудудларида, юридик шахслар ўртасидаги банк операциялари сони ўтган ойга нисбатан ошди. Хусусан, сезиларли ўсиш Фарғона (9,6%), Сирдарё (7,4%), Наманган (7,0%), Тошкент (6,9%) вилоятлари ва Тошкент шаҳрида (8,1%) кузатилган.

ТОВАР-ХОМ АШЁ БИРЖАСИДАГИ ФАОЛЛИК

2021 йилнинг июнь ойида ИФИнинг биржа компоненти 1 0225 бирликни ташкил этди. Бу ўтган ойга нисбатан компонентлар даражасининг 2,2% га ошишини англатади, бу эса битимлар сонининг 7,3% га ўсиши билан изоҳланади. Шу билан бирга, ҳар бир битим бўйича сотиб олинган товарлар ўртача ҳажми 2,8% га камайди.

Республика товар-хом ашё биржасида товарлар савдоси умумий айланмаси ҳажми 2021 йил июнь ойида 5 854,9 млрд. сўмни ташкил этиб, ушбу кўрсаткич ўтган ойга нисбатан 7,9 фоизга кўпайди.

ХЎЖАЛИК ЮРИТУВЧИ СУБЪEКТЛАРНИНГ ФАОЛЛИГИ

Фаолият юритаётган хўжалик субъектлари бўйича компонент 2021 йил июнь ойида 1 0085 бирликни ташкил этиб, ўтган ой даражасига нисбатан 0,9% га ошди. Ушбу кўрсаткич ўтган йилнинг мос даврига нисбатан 14,0 фоизга ошган.

Фаолият кўрсатаётган хўжалик юритувчи субъектлар сони 2021 йилнинг май ойига нисбатан 7 210 тага (554 150 та) кўпайди ва 561 360 тани ташкил этди.

Йирик тадбиркорлик билан шуғулланувчи корхоналар сони 9 тага камайган.

Ҳисобот даврида кичик корхоналар сони 443 497 тадан 450 155 тага кўпайди (6 658 тага кўпайди). Хўжаликлар сони 107 585 тадан 108 146 тага кўпайди (561 тага кўпайди). Фаолият кўрсатаётган йирик корхоналар сони 3 059 тани ташкил этди, бу эса 2021 йилнинг Май ойига нисбатан 9 тага камдир.

БРEНДЛАРНИ РЎЙХАТГА ОЛИШ

2021 йил июнь ойида савдо белгилари муҳофазаси бўйича бизнес фаоллиги индекси 0,9585 бирликни ташкил этиб, ушбу кўрсаткич ўтган ойга нисбатан 4,2 фоизга камайган. Жорий йилнинг июнь ойида юридик шахслар томонидан 254 та товар белгилари ва товар номлари рўйхатга олинган.