Ишбилармонлик фаоллиги индекси июль ойида ўртача 0,6 фоизга камайди

ИФИнинг компонентлар даражасида қуйидаги ўзгаришлар бўлган

2021 йилнинг июль ойида Ишбилармонлик фаоллиги индекси ўтган ойга нисбатан ўртача 0,6% фоизга пасайиши ва 994 бирликни ташкил этиши қуйидаги компонентлар даражасидаги ўзгаришларга боғлиқ бўлган:

• хўжалик юритувчи субъектларнинг банк ҳисобварақаларидаги опреациялар сони 7,9 фоизга камайди;
• фаолият кўрсатаётган хўжалик юритувчи субъектлар бўйича компонент 4,3 фоизга ошди;
• товар-хом ашё биржасидаги хом ашё сотиб олиш жадаллиги 0,7 фоизга ошди;
• товар белгилари бўйича компонент 11 фоизга ошган.

Ҳудудлар кесимида Қорақалпоғистон Республикасида энг юқори ўсиш суръати қайд этилган

2021 йил июль ойида Ишбилармонлик фаоллиги индекси 8 та ҳудудда ўтган ойга (2021 йил июнь) нисбатан ўсиш кузатилган. Қорақалпоғистон Республикаси (39,7%), Жиззах (36,4%), Тошкент (29,5%) вилоятлари ва Тошкент шаҳрида (18,7%) сезиларли даражада ўсиш кузатилган (2-расм).

Шу билан бирга, Андижон (12,6%), Қашқадарё (12,3%) ва Сурхондарё (9,5%) вилоятларида ўтган ойга нисбатан сезиларли пасайиш кузатилган.

БАНК ҲИСОБ ВАРАҚАЛАРИ БЎЙИЧА ОПЕРАЦИЯЛАР

2021 йил июль ойида банклараро тўлов операциялари сони 4 504 минг тани ташкил этди ва 2021 йилнинг июнь ойига нисбатан 386,7 минг транзакцияга (7,9%) камайди.

Банклараро тўлов операциялари сони барча ҳудудларда камайди

2021 йил июль ойида республиканинг барча ҳудудларида, юридик шахслар ўртасидаги банк операциялари сони ўтган ойга нисбатан камайди. Хусусан, Сурхондарё (- 14,0%), Андижон (- 13,6%), Сирдарё (- 13,2%), Жиззах (- 10,5%) ва Тошкент (- 10,4%) вилоятларида сезиларли пасайиш кузатилган.

ТОВАР-ХОМ АШЁ БИРЖАСИФИГИ ФАОЛЛИК

2021 йилнинг июль ойида ИФИнинг биржа компоненти 1,0428 бирликни ташкил этди. Бу ўтган ойга нисбатан компонентлар даражасининг 4,3 фоизга ошишини англатади ва битимлар сонининг 22,5 фоизга ўсиши билан изоҳланади. Шу билан бирга, ҳар бир битим бўйича сотиб олинган товарлар ўртача ҳажми 13,9 фоизга камайди.

Республика товар-хом ашё биржасида товарлар савдоси умумий айланмаси ҳажми 2021 йил июль ойида 4 854,1 млрд. сўмни ташкил этиб, ушбу кўрсаткич ўтган ойга нисбатан 17,1 фоизга камайди.

ХЎЖАЛИК ЮРИТУВЧИ СУБЪEКТЛАРНИНГ ФАОЛЛИГИ

Фаолият юритаётган хўжалик субъектлари бўйича компонент 2021 йил июль ойида 1,0073 бирликни ташкил этиб, ўтган ой даражасига нисбатан 0,7 фоизга ошди. Ушбу кўрсаткич ўтган йилнинг мос даврига нисбатан 13,7 фоизга ошган.

Фаолият кўрсатаётган хўжалик юритувчи субъектлар сони 2021 йилнинг июнь ойига нисбатан 5 282 тага (561 360 та) кўпайди ва 566 642 тани ташкил этди.

Йирик тадбиркорлик билан шуғулланувчи корхоналар сони 7 тага кўпайди

Ҳисобот даврида кичик корхоналар сони 450 155 тадан 454 975 тага кўпайди (4 820 тага кўпайди). Фермер хўжаликлар сони 108 146 тадан 108 601 тага кўпайди (455 тага кўпайди). Фаолият кўрсатаётган йирик корхоналар сони 3 066 тани ташкил этиб, 2021 йилнинг июнь ойига нисбатан 7 тага кўпдир.

БРEНДЛАРНИ РЎЙХАТГА ОЛИШ

2021 йил июль ойида савдо белгилари муҳофазаси бўйича бизнес фаоллиги индекси 1,1102 бирликни ташкил этиб, ушбу кўрсаткич ўтган ойга нисбатан 11,0 фоизга ўсган. Жорий йилнинг июль ойида юридик шахслар томонидан 282 та товар белгилари ва товар номлари рўйхатга олинган.

Ўзбекистон Республикаси ва унинг ҳудудларида ИФИ компонентларининг ўтган ойга нисбатан ўзгариши

Ўзбекистон Республикаси ва ҳудудларда ИФИ компонентларининг ўтган йилнинг мос даврига нисбатан ўзгариши

Ўзбекистон Республикаси ва унинг ҳудудларида ИФИ компонентларининг ўтган ойга нисбатан ўзгариши

Ўзбекистон Республикаси ва ҳудудларда ИФИ компонентларининг ўтган йилнинг мос даврига нисбатан ўзгариши

Руслан Абдуллаев, Иқтисодий тадқиқотлар ва ислоҳотлар маркази