Ўзбекистон жорий йилда 1 млрд. АҚШ долларидан зиёд тўқимачилик маҳсулотларини экспорт қилган

Ўзбекистон жорий йилда 1 млрд. АҚШ долларидан зиёд тўқимачилик маҳсулотларини экспорт қилган

Ўзбекистонда жорий йилнинг ўтган 11 ойи давомида 1 млрд. 200 млн. 324 минг АҚШ доллари қийматидаги 609,4 минг тоннадан ортиқ тўқимачилик маҳсулотлари экспорт божхона режимига расмийлаштирилди. Бу ҳақда Давлат Божхона қўмитаси матбуот хизмати хабар қилди.

Мазкур йилда 2019 йилнинг айнан шу даврига нисбатан юртимиздан 5332 тонна кўп тўқимачилик маҳсулотлари экспорт қилинди.

Давлат божхона қўмитаси маълумотларига кўра, тўқимачилик маҳсулотларнинг 32 фоизи Хитойга, 23 фоизи Россияга, 18 фоизи Туркияга ва 9 фоизи Эронга экспорт қилинган.

Шунингдек, жорий йилда тўқимачилик маҳсулотларининг экспорти қиймати Перуга 13,1 баробарга, Покистонга 1,8 баробарга, Литвага 1,8 баробарга, Польшага 1,7 баробарга, Германияга 1,7 баробарга, Португалияга 1,4 баробарга ва Бангладешга 1,4 баробарга ортган.

Жорий йилдан илк бора юртимиздан Сингапур, Босния ва Герцеговина, Бразилия, Македония, Жанубий Африка, Парагвай ва Словакияга тўқимачилик маҳсулотлари экспорти йўлга қўйилди.

Мақолани улашинг

Ўхшаш янгиликлар

Сўнгги янгиликлар