Ўзгидромет 9 та ҳудудда сел келиши хавфини эълон қилди
Ўзгидромет аҳолини сел келиш хавфидан огоҳлантирмоқда ва эҳтиёт чораларини кўришни сўрамоқда. Жорий ҳафта пайшанба кунидан келаси ҳафта душанба кунига қадар Ўзбекистоннинг қатор вилоятларида ёмғир ёғиши ва сел келиши кутиляпти. Тоғ олди ва тоғли ҳудудларда истиқот қиладиганлар, дам олиш учун тоғли ҳудудларга борганлар, табиатнинг ушбу ҳодисасини инобатга олган ҳолда, эҳтиёт чораларини кўришлари тавсия этилади.
23−27 июнь кунлари Ўзбекистоннинг айрим жойларида кутилаётган ёмғирлар ёғиши сабабли, республиканинг тоғ олди ва тоғли ҳудудларига сел келиши мумкин. Ўзгидромет табиий офат хавфи юқори бўлган ҳудудлар рўйхатини эълон қилди.
Унга кўра:
- Қашқадарё вилояти:Яккабоғ, Деҳқонобод, Чироқчи, Китоб, Шаҳрисабз, Қамаши, Ғузор туманларида;
- Сурхондарё вилояти:Сариосиё, Узун, Олтинсой, Денов, Бойсун, Шеробод, Шўрчи, Қумқўрғон, Музробод туманларида;
- Самарқанд вилояти:Ургут, Самарқанд, Булунғур, Нуробод, Қўшработ, Каттақўрғон, Пояриқ, Жомбой, Иштихон туманларида;
- Навоий вилояти:Хатирчи, Навбаҳор, Нурота, Конимех, Кармана туманларида;
- Жиззах вилояти:Зомин, Бахмал, Ғаллаорол, Шароф Рашидов, Фориш, Янгиобод туманларида;
- Тошкент вилояти:Оҳангарон, Бўстонлиқ, Паркент, Пискент, Ўртачирчиқ, Юқоричирчиқ туманларида ва Ангрен, Олмалиқ шаҳарларида;
- Наманган вилояти:Поп, Косонсой, Чортоқ, Чуст, Наманган, Янгиқўрғон туманларида;
- Фарғона вилояти:Сўх, Фарғона, Бешариқ туманларида;
- Андижон вилояти:Андижон, Асака, Жалақудуқ, Қўрғонтепа, Пахтаобод, Избоскан, Хўжаобод, Марҳамат туманларида ва Хонабод шаҳрида сел-сув тошқин ҳодисалари юзага келиши мумкин.
Тоғ олди ва тоғли ҳудудларда истиқомат қилувчи фуқаролар ва дам олувчилар ҳамда тоғли худудларда ҳаракатланувчи ҳайдовчилардан эҳтиёткорлик чораларини кўриш сўралмоқда.
Изоҳ қолдириш