Banklarning muammoli kreditlari qoldig‘i 10 trln.so‘mdan oshib ketdi
Yil boshiga nisbatan muammoli kreditlar miqdori 4,4 trln.so‘mga oshgan va bu asosan davlat banklari hissasiga to‘g‘ri kelmoqda.
Banklarning jami kreditlar qoldig‘i 2021 yil 1 aprel holatiga 283,5 trln.so‘mni tashkil qilgan. Bu haqda Markaziy bank xabar qildi.
Shundan,
• yuridik shaxslarning – 226,7 trln.so‘mlik
• jismoniy shaxslarning – 56,8 trln.so‘mlik kredit qoldiqlari mavjud.
Jismoniy shaxslarga ajratilgan kreditlar bo‘yicha:
- 29,4 trln so‘mlik ipoteka;
- 12,1 trln so‘mlik avtokredit va iste’mol kreditlari;
- 9,3 trln so‘mlik tadbirkorlik uchun ajratilgan kreditlari;
- 5,9 trln so‘mlik mikroqarz bo‘yicha kredit qoldiqlari mavjud.
Shuningdek, kreditlar tarkibida muammoli kreditlar (NPL) miqdori 10,2 trln.so‘mni tashkil qilib, jami kredit portfelining 3,6% ini tashkil qilgan.
Yil boshiga nisbatan muammoli kreditlar miqdori 4,4 trln.so‘mga oshgan va bu asosan davlat banklari hissasiga to‘g‘ri kelmoqda.
Markaziy bank ma’lumotlariga ko‘ra, joriy yilning 1 aprel holatiga:
• Xay-Tek bankning jami kredit portfeli 201 mlrd.so‘mni tashkil qilib, shundan 179 mlrd.so‘mi yoki 89,4%i muammoli kreditlarga (NPL) aylangan;
• Turkiston bankda kredit portfeli 703 mlrd.so‘m, shundan muammoli kreditlari 610 mlrd.so‘m yoki 86,7%;
• Madad invest bankda kredit portfeli 123 mlrd.so‘m, shundan muammoli kreditlari 57 mlrd.so‘m yoki 46,6%ni tashkil qilmoqda.
Izoh qoldirish