Shavkat Mirziyoyev joriy hafta Andijonga boradi
Prezident matbuot kotibi Sherzod Asadov Prezidentning joriy haftadagi uchrashuvlari va tashrifi borasida ma’lumot berdi.
17−18 iyun kunlari Prezident Shavkat Mirziyoyevning Andijon viloyatiga safari rejalashtirilmoqda. Bu haqda Prezident matbuot kotibi Sherzod Asadov ma’lum qildi.
Shuningdek, bu hafta davlat rahbari quyidagi tadbirlarda ishtirok etadi:
- Jumladan, bugun, 14 iyun kuni sog‘liqni saqlash sohasiga oid masalalar va takliflar (birinchi navbatda onkologiya va gematologiya yo‘nalishlariga oid) hamda Toshket viloyatining Tatariston bilan hamkorligi yuzasidan taqdimotlar o‘tkaziladi.
- 15 iyun kuni oliy ta’lim sohasidagi islohotlar va joriy yilgi qabul jarayoniga tayyorgarlik bo‘yicha videoselektor o‘tkazilishi belgilangan.
- Shuningdek, 15 iyun kuni Prezident Birlashgan Arab Amirliklari hukumat va kelajak ishlari bo‘yicha vaziri Al-Gergavi uchrashadi.
- 16 iyun kuni esa Tatariston Prezidenti Rustam Minnixanov bilan uchrashadi.
- 17-18 iyun kuni Andijonga tashrif rejalashtirilgan.
Izoh qoldirish