Toshkentda mahalliy uy to‘qimachilik mahsulotlari markazi ish boshladi

Toshkentda mahalliy uy to‘qimachilik mahsulotlari markazi ish boshladi

«O‘zto‘qimachiliksanoat» uyushmasi tomonidan bugungi kunda milliy brendlarni yaratish va rivojlantirish bo‘yicha bir qator ishlarni amalga oshirilmoqda. Jumladan, milliy kiyim-kechak va to‘qimachilik brendlarini mamlakat ichi va chet ellarda targ‘ib qilish strategiyasi ishlab chiqildi. Uyushmaning ustuvor vazifalaridan biri sifatida aholini sifatli va arzon mahalliy mahsulotlar bilan ta’minlash belgilab olindi.

Joriy yilning 31 mart kuni Toshkentda Mahalliy o‘y to‘qimachilik mahsulotlari markazi ochildi. Ushbu loyiha tashabbuskori 2012 yilda Namangan shahrida tashkil etilgan Aisha Home Textile korxonasidir. Kompaniya 100% paxta tolasidan yuqori sifatli sochiqlar va har xil turdagi xalatlar ishlab chiqaradi.

Mahalliy uy to‘qimachilik mahsulotlari markazi - bu to‘qimachilik mahsulotlarining yuqori sifatli va o‘ziga xos dizayni namunasidir. Bu to‘qimachilik sanoatida katta qadam. Lux Class mahsulotlari Turkiya, Xitoy va boshqa mamlakatlarning shu kabi mahsulotlari bilan erkin raqobatlasha oladi.

Kompaniya asosan sochiqlar, xalatlar, sauna to‘plamlarini ishlab chiqaradi. Raqobatbardosh mahsulotlarni ishlab chiqarishda uchun «Staubli» va «Itema» fransuz va italyan to‘quv dastgohlari o‘rnatildi, ular turli zichlikdagi mahsulotlarni ishlab chiqarishga va tikuvchilik bo‘limida jakkardli to‘qishga imkon beradi. Dilmenler kompaniyasining dastgohlari sochiq mahsulotlarini bo‘yashga qaratilgan. Ishlab chiqarishda atomatik liniya o‘rnatilgan bo‘lib, bu qo‘l mehnatini sarflanmaydi va Germaniyaning zamonaviy Texpa va Azimo tikuv mashinalari mahsulotlarni yuqori sifatda amalga oshirish imkonini beradi.

Hozirgi kunda "Aisha Home Textile" korxonasi O‘zbekiston va butun Markaziy Osiyoda sochiq, vafli sochiqlari, barcha turdagi salfetkalar, choyshablar, xalatlar ishlab chiqaruvchi hisoblanadi va mahsulotlar assortimenti bo‘yicha yetakchilardan biri. Mahsulot 100 foiz paxtadan tayyorlanadi. Korxonada ishchilarning umumiy soni 450 kishi oshadi.

Bugungi kunda Aisha brendi nafaqat O‘zbekistonda, balki xorijda ham sifat ko‘rsatkichi sifatida tanilgan, tayyor mahsulotlar Rossiya, Qozog‘iston, Qirg‘iziston, Tojikiston, Ukraina, Belorusiya, Ozarbayjon, Moldova, Germaniya, AQSh kabi mamlakatlarga eksport qilinmoqda, G‘arbiy Yevropa va arab mamlakatlariga mahsulot etkazib berish bo‘yicha ish olib borilmoqda.

«O‘zto‘qimachiliksanoat» uyushmasi raisi Ilhom Haydarov o‘z nutqida hozirgi kunda O‘zbekiston aholisi orasida mahalliy to‘qimachilik mahsulotlariga talab oshib borayotganligini alohida ta’kidladi.

Mamlakat bo‘ylab paxta-to‘qimachilik klasterlari tomonidan yetishtirilgan paxtadan ishlab chiqarilgan «Xalqsevar-Vatansevar» mahalliy to‘qimachilik do‘konlari yaratilmoqda. Shuningdek, Uy to‘qimachilik mahsulotlari markazida taqdim etilayotgan mahsulotlar sifati jihatidan yagonaligi va bu turdagi markazlar mamlakatning barcha hududlarida yaratilishi aytildi.


Maqolani ulashing

O'xshash yangiliklar