Yagona interaktiv davlat xizmatlari portalida jismoniy shaxslar uchun onlayn rejimida o‘z kredit tarixini bilish imkonini beradigan yangi servis ishga tushirildi. Bu haqda Buxgalter.uz ma’lumot berdi.
Xizmat Kredit-axborot tahliliy markazi tomonidan taqdim etiladi.
O‘z kredit tarixingizni bilish uchun My.gov.uz orqali:
Kredit-axborot tahliliy markazi tomonidan taqdim etilgan axborotda quyidagi ma’lumotlar saqlanadi:
- qarz oluvchining (ariza beruvchining) identifikatsiya ma’lumotlari;
- berilgan, ma’qullangan, rad etilgan buyurtmalar, shartnomalar va kredit majburiyatlari, kredit to‘lovlari bo‘yicha muddat o‘tkazib yuborilganligi, hisoblangan penya va ariza beruvchini “qora ro‘yxatga” kiritgan tashkilotlar bo‘yicha umumiy sharh;
- so‘rovga ishlov berish paytida Kredit-axborot tahliliy markazi bahosi bo‘yicha qarz oluvchining skoring balli.
Ma’lumot uchun, xizmat yilda bir marta bepul taqdim etiladi. Agar kredit tarixini tez-tez tekshirish zarurati bo‘lsa, har bir keyingi so‘rov uchun to‘lov 12 680 so‘mni tashkil etadi.
“SMS-xabarnoma” xizmati foydalanuvchini arizani ko‘rib chiqishning borishi va uning natijalari haqida xabardor qilish uchun mo‘ljallangan. Ushbu xizmatdan foydalanish shart emas.
SMS-xabarnoma uchun har bir kiruvchi SMS xabar uchun 40 so‘m miqdorida to‘lov undiriladi. Summani uyali aloqa operatori bevosita mijozning abonent schyotidan yechib oladi.
Izoh qoldirish