Бухоро вилоятининг 2022 йил I чорак макроиқтисодий кўрсаткичлар таҳлили

Бухоро вилоятининг 2022 йил I чорак макроиқтисодий кўрсаткичлар таҳлили

2022 йил январь-март ойларида Бухоро вилоятининг ЯҲМ ҳажми 7002,7 млрд. сўмни ташкил этган ҳолда ўтган йилги мос даврга нисбатан 103,1%га ўсган. Шунингдек, ЯИМ таркибида вилоятнинг ҳиссаси 4,3%ни ташкил этган.

Аҳоли жон бошига тўғри келадиган ЯҲМ ҳажми эса 3 536,7 минг сўмни ташкил қилиб, 1,5% га ошган.

Ҳудуд иқтисодиётининг барча тармоқларида яратилган ялпи қўшилган қиймат ҳажми ЯҲМнинг 95,0%ини ташкил этган бўлса, маҳсулотларга соф солиқлар эса 5,0%ини ташкил этган.

ЯҲМнинг тармоқлар бўйича таркибида саноат улуши қурилишни қўшган ҳолда 30,7% (2020 йилда 31,1%), қишлоқ хўжалиги улуши 25,6% (2020 йилда 27,0%) ва хизмат кўрсатиш улуши 43,7% (2020 йилда 41,9%)ни ташкил қилган.

Республика макроиқтисодий кўрсаткичларини шаклланишида вилоятнинг ҳиссаси аҳамиятли ҳисобланади. ЯИМда вилоятнинг ҳиссаси 4,3%ни ташкил этиб ҳуддудлар ичида 8 ўринда бўлсада, асосий капиталга инвестициялар киритишда 13,7%ни ташкил этиб, 2-ўринни, қурилиш ишлари бўйича 6,4%ни ва қишлоқ хўжалиги соҳасида 8,8% ни ташкил этиб, 4 ўринни эгаллаган.

Вилоят аҳоли жон бошига асосий иқтисодий кўрсаткичларни ҳисоблаганда республика бўйича ўртача кўрсаткичларидан юқори. Жумладан, аҳоли жон бошига ЯҲМ ҳажми бўйича ҳудудлар ичида 5-ўрин, асосий капиталга инвестициялар киритиш соҳасида 1-ўрин, қишлоқ хўжалиги соҳаси бўйича 3-ўрин, кўрсатилган бозор хизматлари ва чакана савдо айланмаси соҳасида 4-ўриндалиги аҳамиятлидир.

Баҳодир Ҳусанов,

Ардашер Муртазаев

Иқтисодий тадқиқотлар ва ислоҳотлар маркази

Самарқанд филиали

Мақолани улашинг

Ўхшаш янгиликлар