Фарғона вилоят бўйича 2023 йилнинг январь-июнь ойларида чакана савдо товар айланмаси 10 640,4 млрд. сўмни ташкил этиб, 2022 йилнинг мос даврига нисбатан 106,6%га ошган. Вилоят чакана савдо товар айланмасининг республикадаги улуши 8,0% ташкил этди.
Чакана савдо товар айланмаси таркибида йирик корхоналарнинг товар айланмаси ҳажми 2022 йилнинг январь-июнь ойларига нисбатан 108,0%га ўсди ва 909,0 млрд. сўмни ташкил қилди. Бу эса умумий савдо ҳажмининг 8,5% улушига тўғри келди. Кичик бизнес ва хусусий тадбиркорлик субъектларининг чакана савдо товар айланмаси ҳажми статистик ҳисоб-китобларга кўра 9 731,4 млрд. сўмни ташкил этиб, 2022 йилнинг январь-июнь ойларига нисбатан 6,5%га кўпайди. Вилоят миқёсида ушбу секторнинг жами чакана савдо товар айланмасидаги улуши 91,5%ни ташкил этди.
Вилоят чакана савдо товар айланмасида энг юқори улушни 2 049,9 млрд. сўм (19,3%) билан Қўқон шаҳри, энг қуйи улушни 122,9 млрд. сўм (1,2%) билан Сўх тумани егаллади.
2023-йилнинг январь-июнь ойлари ҳолатига кўра ўртача аҳоли жон бошига чакана савдо товар айланмаси 2 663,1 минг сўмни (2022 йилнинг мос даврига нисбатан 4,4 %га ошди) ташкил этди. Ушбу кўрсаткични ҳудудлар кесимида солиштирилганда энг юқориси Қўқон (6 721,0 минг сўм) , Марғилон (6 027,7 минг сўм) ва Фарғона (5 421,4 минг сўм) шаҳарлари ҳиссасига тўғри келди. Ўзбекистон (112,5%), Данғара (109,5%) ва Фарғона туманларида (106,5%) аҳоли жон бошига чакана савдо товар айланмаси кўрсаткичларида юқори ўсиш суръатлари кузатилди. Ҳудуднинг Қўқон шаҳридан (92,8%) бошқа барча ҳудудларда аҳоли жон бошига чакана савдо айланмаси кўрсаткичларида ўсиш кузатилган.
Изоҳ қолдириш