Умид Алиев: Минимал истеъмол харажатлари усули маълум гуруҳлар орасида камбағалликни ўлчаш имконини беради, масалан, болалар камбағаллиги

Умид Алиев: Минимал истеъмол харажатлари усули маълум гуруҳлар орасида камбағалликни ўлчаш имконини беради, масалан, болалар камбағаллиги

31 май куни АОКАда матбуот анжумани ўтказилиб, унда Ўзбекистонда аҳолининг минимал истеъмол харажатлари (МИХ)нинг дастлабки сметаси эълон қилинди.

Кунлик истеъмол қилинадиган озиқ-овқат (2200 ккал) ва зарур бўлган ноозиқ-овқат товарлар ҳамда хизматлар учун минимал истеъмол харажатлар бир ойда киши бошига (жорий йилдаги нархлар ўзгаришини инобатга олган ҳолда) камида 440 минг сўмни ташкил этиши ҳисоб-китоб қилинди.

ЮНИСЕФнинг Ўзбекистондаги ваколатхонаси ижтимоий сиёсат масалалари бўйича маслаҳатчиси Умид Алиев камбағалликнинг миллий кўрсаткичи сифатида МИХ қийматини белгилаш болалар камбағаллиги муаммосини ҳал этишда ёрдам беришига ишончи комил.

ЮНИСЕФ болалар орасидаги камбағаллик ўлчовини жорий қилинишига чақиради ва ушбу ишни амалга оширишда тўлақонли ёрдам кўсатишга тайер.

Минимал истеъмол харажатлари қийматининг белгиланиши давлатнинг ижтимоий-иқтисодий сиёсатини олиб боришда, шу жумладан, камбағалликни қисқартиришга йўналтирилган самарали чора-тадбирларни ишлаб чиқишда ва амалга оширишда алоҳида аҳамият касб этади.

Мисол учун, камбағалликни миллий ўлчови жорий этилиши Ўзбекистондаги аҳолини турмуш тарзига хос бўлган ҳусусиятларни акс эттирган ҳолда унинг фаровонлик даражасини ўлчаш имконини беради.

Бундан ташқари, камбағаллик даражасини мунтазам равишда мониторинг этиб борилиши, камбағалликни камайтириш дастурларини самарали бўлишини таъминлайди. Мисол учун, ижтимоий тўловларни манзиллигини таъминлаш учун камбағал оилалар қаерда жойлашганлиги, уларнинг таркиби, яшаш хусусиятлари, камбағалликка тушиш сабаблари нимадан иборатлигини аниқлаш зарур. Бунда камбағалликнинг аниқ ўлчови жорий этилиши айнан шу ишларни амалга оширишга имкон яратади.

Ижтимоий тўловлар миқдорини белгилашда ҳам маълум бир андоза сифатида хизмат қилади.

Бундан ташқари, амалиётга кириталаётган услуб, аҳолини алоҳида гуруҳлари орасидаги камбағалликни ҳам ўлчаш имконини беради.

Мисол учун, болалар орасидаги камбағаллик. ЮНИСЕФ тадқиқотлари шуни кўрсатадики, болалар камбағаллиги инсон капиталини ривожланишида асосий тўсиқлардан биридир.

Мисол учун, камбағаллик натижасида бола етарли озуқа олмаганлигининг белгиларидан бири - бу бола бўйи ўсишида орқада қолишидир. Бунда болаликда бўйи ўсишида орқада қолган инсонлар даромади шу сабабга кўра жисмоний ва ақлий ривожланишда тўла салоҳиятга эга бўлмаганлиги учун ўртача 26%га камайганлигини кўриш мумкин.

Ҳозирги кунда Ўзбекистон аҳолисининг 1/3 қисмини болалар ва ёшлар ташкил этишини ва 2030-2050 йиллар оралиғида мамлакатимизда демографик дивиденд олиш учун тарихий имконият шаклланишини ҳисобга олсак, инсон капиталини ривожланитириш ва шу жумладан, болалар орасидги камбағалликни қисқартириш алоҳида долзарб масала эканлигни эътироф этиш зарур.

Минимал ижтимоий харажатлар қийматини белгиланиши шу масалани ҳам ҳал қилишда ёрдам беради деб ишонаман ва Ўзбекистондаги ЮНИСЕфнинг ваколатхонаси бу масалада Ўзбекистон ҳукуматига тўлақонли равишда ёрдам беришга тайёр.

Мавзуга оид материаллар:

Мақолани улашинг

Ўхшаш янгиликлар