Тошкентда иқтидорли мактаб ўқувчилари учун "Ҳоким стипендияси" жорий этилди

Тошкентда иқтидорли мактаб ўқувчилари учун

Тошкент шаҳрида “Таълимга эътибор – келажакка эътибор” тадбири доирасида пойтахт мактаблари ўқувчилари учун “Ҳоким стипендияси”ни топшириш маросими ҳам бўлиб ўтди. Бу ҳақда Тошкент шаҳар ҳокимлиги матбуот хизмати хабар қилди.

Пойтахт ҳокимлигида бу йили илк маротаба таъсис этилган “Ҳоким стипендияси” совриндорларини тантанали тақдирлаш маросими ўтказилди. Мазкур стипендияга аниқ фанлар бўйича олимпиадаларда қатнашиб, юқори натижаларга эришган бир гуруҳ аълочи ўқувчилар лойиқ деб топилди.

Тадбирда шаҳар ҳокими Жаҳонгир Ортиқхўжаев ҳам қатнашди.

– Бу ҳали бошланиши. 2022 йилдан бошлаб ҳар битта мактабларда 6-8 нафар энг иқтидорли ўқувчиларни аниқлаб, уларга йил бўйи ҳар ойда 500 минг сўмдан ҳоким стипендиясини берамиз. Бундан ташқари ҳар ойда, ўша ўқувчиларга таълим берган ўқитувчиларнинг ойлигига 1 млн сўмдан устама қўшиб берамиз. Ўйлайманки, таълимни Тошкентда юқори марраларга олиб чиқамиз, - деди Тошкент шаҳар ҳокими Жаҳонгир Ортиқхўжаев.

Мақолани улашинг

Ўхшаш янгиликлар

Сўнгги янгиликлар