O‘zbekistonda inflyasiya mart oyida 0,8 foizni tashkil etdi
Oziq-ovqat mahsulotlari 1,2 foizga, nooziq-ovqat mahsulotlari 0,6 foizga, xizmatlar 0,4 foizga qimmatlashdi.
2021 yilning mart oyida iste’mol bozorida tovarlar va xizmatlar o‘rtacha 0,8 % ga qimmatlashdi, deyiladi Davlat statistika qo‘mitasi matbuot xizmati.
Oziq-ovqat mahsulotlari 1,2 foizga, nooziq-ovqat mahsulotlari 0,6 foizga, xizmatlar 0,4 foizga qimmatlashdi.
2021 yil mart oyida oziq-ovqat mahsulotlari oy davomida 1,2 foizga qimmatlashdi. 2021 yil yanvar-mart oylarida oziq-ovqat mahsulotlari 3,1 foizga o‘sdi, bu 2020 yilning mos davriga nisbatan 1,2 punktga, 2019 yilning yanvar-martiga nisbatan esa 3,3 punktga past.
2021 yil mart oyida nooziq-ovqat mahsulotlari oy davomida 0,6 foizga qimmatlashdi. 2020 yil dekabr oyiga nisbatan nooziq-ovqat tovarlari 1,7 foizga qimmatlashdi, bu 2020 yil yanvar-mart oylarida ushbu guruh narxlarining o‘sishi bilan taqqoslanadi va 2019 yilning birinchi choragiga nisbatan 1,1 punktga past.
2021 yil mart oyida xizmatlar bir oy ichida 0,4 foizga qimmatlashdi. Bu o‘tgan yilning mart oyiga nisbatan 0,4 punktga, 2019 yil martiga nisbatan 0,8 punktga past.
2021 yilning birinchi choragi davomida xizmatlar 2,7 foizga qimmatlashdi, bu 2020 va 2019 yil yanvar-mart oylarida ushbu guruh narxlarining o‘sishidan mos ravishda 1,2 va 0,2 punktga yuqori.
Oziq-ovqat mahsulotlari va spirtsiz ichimliklar bo‘limida joriy yilning martida narxlar
o‘sishi bo‘yicha yetakchi uchlikni sabzavotlar, ildiz mevalilar, plantaynlar va dukkaklilar (4,7 %), mevalar va yong‘oqlar (2,6 %), yog‘lar va moylar (1,4 %) shakllantirdi.
2021 yilning mart oyida oziq-ovqat mahsulotlari va spirtsiz ichimliklar asosiy guruhlari orasida narxlar o‘sishi bo‘yicha yetakchilik meva-sabzavot mahsulotlariga tegishli bo‘ldi. Ushbu davrda mevalar va yong‘oqlar 7,6 % ga, sabzavotlar, ildiz mevalilar, plantaynlar va dukkaklilar 8,0 % ga qimmatlashdi. Yillik nisbatda yog‘-moy (29,8 %), sut (17,0 %) va go‘sht mahsulotlari (16,2 %) sezilarli darajada oshdi.
2021 yilning mart oyi davomida asosiy turdagi oziq-ovqat mahsulotlaridan (meva-sabzavotlardan
tashqari) kungaboqar moyi (2,6 %), tovuq go‘shti (1,4 – 1,5 % oralig‘ida), oq qand va sut (1,4 %) va shakar (1,3 %) sezilarli darajada qimmatlashdi.
Oy davomida narxlarning pasayishi tuxum (-1,6 %), muzlatilgan baliq va uzun boshoqli guruch narxlarida qayd etildi (-0,4 %).
2020 yilning mart oyiga nisbatan narxlar oshishi bo‘yicha yetakchi o‘rinlarni grechka (1,5 baro bar), kungaboqar yog‘i
(1,4 barobar), paxta yog‘i, tuxum va shakar (1,3 baro bar), shuningdek oq-qand (1,2 barobar) egalladi.
Meva-sabzavotlardan oy davomida bo‘lgani kabi yil boshidan ham pomidor (mos ravishda 18,1 % va 26,0 % ga) boshqalarga nisbatan sezilarli darajada qimmatlashdi. Yillik nisbatda limon (1,8 barobar) narxlar oshishi bo‘yicha yetakchilikni ushlab kelmoqda.
2021 yilning mart oyida spirtli ichimliklar oy davomida 0,9 % ga ( yil boshidan 2,6 % ga), tamaki mahsulotlari o‘rtacha 0,8 % ga (5,9 %) qimmatlashdi. 2020 yil mart oyiga nisbatan tamaki 13,4 % ga, spirtli ichimliklar 9,0 % ga qimmatlashdi.
Slesar, santexnik, elektrik va bo‘yoqchilar xizmatlari turar joylarga xizmat ko‘rsatish va ta’mirlash uchun materiallar singari o‘rtacha 1,1 % ga qimmatlashdi
Ushbu fonda suv va elektr ta’minoti xizmatlari tariflari barqarorligi saqlab qolindi.
Yil boshidan turar joylarga xizmat ko‘rsatish va ta’mirlash uchun materiallar 2,6 % ga qimmatlashdi (2020 yil martga nisbatan 12,4 % ga), turar joylarga xizmat ko‘rsatish va ta’mirlash bo‘yicha xizmatlar 2,1 % ga (16,1 %), sovuq suv va kanalizatsiya uchun to‘lovlar 1,6 barobarga (1,9 barobarga), ko‘p qavatli uylarga xizmat ko‘rsatish 1,4 % ga (2,3 %), maishiy chiqindi uchun haq to‘lash 0,7 % ga (2,8 %) qimmatlashdi.
2021 yil mart oyi davomida sog‘liqni saqlash sohasida kuzatiladigan tovarlar va xizmatlar asosiy guruhlaridan
dori vositalari (1,4 %), tibbiy diagnostik vositalar (1,2 %),
shpritslar va bog‘lash material lari hamda stomatologik xiz matlar (0,7 %) narxlari boshqalarga qaraganda sezilarliroq
qimmatlashdi.
Tibbiy niqoblar, qo‘lqoplar, ambulator davolash va reabilitatsiya xizmatlari, tibbiy laboratoriya va diagnostika xizmatlari oy davomida 0,6 % ga qimmatlashdi
2021 yil mart oyida oziq ovqat mahsulotlari va ichimliklarni yetkazib berish bo‘yicha xizmatlar narxlari o‘rtacha 0,9 % ga oshgan. Narxlar o‘sishi diapazoni 0,5 % dan (OTM va maktablar qoshidagi oshxonalar va kafeteriylar) 1,2 % gacha (boshqa oshxo nalar kafeteriylar) oraliqda joylashdi.
Ushbu davrda mehmonxonalar xizmatlari 0,9 % ga qimmatlashgan.
Izoh qoldirish