O‘zbekistonda Yagona ijtimoiy reyestr joriy etiladi
Yagona ijtimoiy reyestr orqali barcha ijtimoiy yordam bir xil mezon va bir xil hujjat asosida beriladi.
O‘zbekistonda ehtiyojmand aholi bilan ishlashda yangi, shaffof va adolatli tizimni yo‘lga qo‘yish maqsadida Yagona ijtimoiy reyestr joriy etiladi. Bu haqda 2020 yilning 4 avgust kuni imzolangan O‘zbekiston Respublikasi Prezidenti Qarorida nazarda tutilgan.
Mazkur tizim yil yakuniga qadar barcha hududlarda bosqichma-bosqich joriy etiladi.
Yagona ijtimoiy reyestr orqali barcha ijtimoiy yordam bir xil mezon va bir xil hujjat asosida beriladi.
Ijtimoiy nafaqa oluvchilar soni bosqichma-bosqich oshiriladi:
▪️ hozirda 600 ming;
▪️ 2020 yil oxirigacha 1 mln 200 mingga;
▪️ 2021 yilda 1 mln 500 ming nafarga yetkaziladi.
— 2021 yil 1 yanvardan boshlab kam ta’minlangan oila maqomini olish uchun fuqarolar ko‘plab hujjatlar yig‘ib ovora bo‘lmaydi.
— Ehtiyojmand oilalarga 30 turdagi ijtimoiy yordam va xizmatlar qulay tarzda taqdim etiladi.
Izoh qoldirish