Adidas 30 йил деганда биринчи марта йиллик йўқотишни қайд этди
Кеча Adidas спорт кийимлари бренди ўзининг 30 йилдан ортиқ вақт ичида биринчи соф йиллик йўқотишини эълон қилди.
Кеча Adidas спорт кийимлари бренди ўзининг 30 йилдан ортиқ вақт ичида 53 миллион евро (2022 йилдаги 254 миллион евро соф даромадга нисбатан) биринчи соф йиллик йўқотишини эълон қилди ва АҚШдаги спорт кийимлари чакана сотувчилари юқори захиралар билан курашаётгани сабабли Шимолий Америкадаги сотувлар яна пасайиши ҳақида огоҳлантирди. Шундай қилиб, талабнинг пасайиши ва АҚШдаги дўконларнинг кўплиги спорт кийимлари ва кийим-кечак ишлаб чиқарувчи компанияларга босим ўтказди. Adidas’нинг таъкидлашича, Шимолий Америкадаги сотувлар тўртинчи чоракда 21%га ва йил давомида 16%га пасайган.
Бундан ташқари, Adidas 2022 йил окябрь ойида Канье Уэст билан муносабатларни узиб, юқори даромадли Yeezy кроссовка линиясини сотишни тўхтатиб, вазиятни тўғирлашга ҳаракат қилмоқда.
Компания бу йил Шимолий Америка ҳали ҳам сотувлар бўйича заиф бўлишини кутмоқда: улар тахминан 5%га камайиши мумкин.
Қизиғи шундаки, бу орада Германия иқтисодиёти техник таназзулни ёки кетма-кет икки чорак иқтисодий пасайишни бошдан кечираётган бўлиши мумкин.
Манба — Reuters
Изоҳ қолдириш