Инвестициялар ва ташқи савдо вазирлиги ҳузуридаги Хорижий инвестицияларни жалб этиш агентлиги Ўзбекистонда фаолиятини бошлаган бренд компаниялар фаолияти, улар қайси соҳаларда ишлаётгани ёки бозорга киришни режалаштираётгани борасида маълумот берди.
Фақатгина 2020 йилда 20 та Интернет-компаниялар ҚҚС бўйича солиқ тўловчилар сифатида расмий равишда рўйхатдан ўтказилди, жумладан: : Netflix, Google Commerce, Google Ireland, Google Voice, Apple Distribution International, Samsung Electronics, Сleverbridge, Xsolla, Activision Blizzard International.
2021 йилнинг икки ойида уларга яна учта қўшилди: Vaskiani Ventures Limited (Кипр), Google Cloud EMEA Limited (Ирландия) и Spotify AB (Швеция). Яқин кунларда Тошкентда Apple офисининг очилиши кутилмоқда.
Россиянинг “ЮэСэМ Телеком” ва «Мегафон» ўзбекистонлик ҳамкорлар билан биргаликда «Digital Holding» алоқа хизматлари соҳасида қўшма корхона ташкил этади. Ўзбекистон Давлат активларини бошқариш агентлиги Қўшма корхона мулкига Ucell устав капиталининг 100% улушини ўтказади. Россия томони Дигитал Ҳолдинг-га, шунингдек USM филиаллари – CRPT Turon ва ICS Holding Uzbekistan -га 100 миллион доллар сармоя киритади.
Ўтган йилнинг май ойида Россиянинг Selectel компанияси Ўзбекистон бозорига кириб, уч йил давомида бир миллион Ақш долларигача сармоя киритишни режалаштирган.
Хорижий мутахассисларнинг фикрига кўра, Ўзбекистоннинг афзалликлари – арзон ишчи кучи, таълим, шунингдек меҳнатга йўналтирилган тафаккур, амалий интизомнинг мавжудлигидир.
Ўтган йилнинг кузида Nike World Headquarters билан келишувга эришилгани маълум бўлди. Дунёдаги энг йирик спорт кийимлари ишлаб чиқарувчиси Nike, Converse ва Jordan брендларига эгалик қилади. Ўзбекистонда Aндижон вилоятидаги SinoInternational корхона базасида йилига 3 миллион жуфт поябзал ишлаб чиқариш режалаштирилган.
ADIDAS GROUP билан Ўзбекистонда ADIDAS брендининг пояфзалларини ишлаб чиқариш бўйича олиб борилган музокаралар натижаларига кўра, «Ўзчармсаноат» уюшмаси Германия спорт гиганти билан шартнома тузди. Aндижон вилоятида, «SinoInternational» МЧЖ ҚК заводида, дунёга машҳур бренд остида 3 миллион жуфт кроссовкани ауцорсингга топшириш режалаштирилган.
Massimo Dutti, Zara, Pull & Bear, Bershka ва бошқа савдо маркалари билан савдо қилувчи Испаниянинг INDITEX компанияси ҳам ўз тармоғига юқори сифатли тикувчилик, трикотаж ва терри маҳсулотларини етказиб бериш бўйича ҳамкорлик қилишга тайёрлигини билдирди.
Volkswagen Group Volkswagen Caddy сотувини бошлади, 2020 йилнинг кузида эса Škoda Kodiaq сотуви Ўзбекистонда бошланди. Бундан ташқари, Хитойнинг «Ҳавал» автомобил маркаси (йўлтанламас ва кроссоверлар) сотуви йўлга қўйилди.
Majid Al Futtaim (БАА) Carrefour бренди франшизаси доирасида Тошкентда биринчи супермаркетни очди ва ўз тармоғини кенгайтиришни режалаштирмоқда.
Hilton Tashkent City Ўзбекистондаги америка меҳмонхоналар тармоғининг биринчи меҳмонхонасига айланди.
Бу йил қозоғистоннинг Magnum Cash&Carry чакана савдоси Ўзбекистон бозорига киришни режалаштирмоқда.
Эслатиб ўтамиз, Ўзбекистон бозорида биринчи халқаро бренд – Carrefour супермаркети 24 декабрь куни очилди. EastFruit таҳлилчиларининг фикрига кўра, Ўзбекистондаги супермаркетларнинг бозор кучини ошириш етказиб берувчиларга нархлар ва шартларни белгилаб берадиган йирик ва нуфузли харидорлар синфини яратади.
Машҳур бренд ҳисобланган Nike, ADIDAS, Apple, Netflix, INDITEX ва бошқалар Ўзбекистонда ишлаб чиқариш қувватларини очмоқда. Сауле Саденова брендларнинг нима учун Қозоғистонни эмас Ўзбекистонни танлаши сабабини ORDA материалида келтирди.
Изоҳ қолдириш