Янгиликлар

ТАНЛОВ ҲАҚИДА ЭЪЛОН

20.03.2021 15:03
2K

Иқтисодий тадқиқотлар ва ислоҳотлар маркази Ижтимоий-иқтисодий тадқиқотларга бағишланган энг яхши илмий-публицистик мақолалар танловини эълон қилди.

Ўзбекистон Республикасида амалга оширилаётган ислоҳотлар самардорлигини баҳолаш ҳамда мазкур йўналишда фаолият олиб борувчи ёш ва профессионал тадқиқотчиларнинг илмий ва ижодий салоҳиятини рўёбга чиқариш мақсадида ижтимоий-иқтисодий тадқиқотлар бўйича энг яхши илмий ва публицистик мақолалар танлови эълон қилинади.

Танловга қуйидаги йўналишдаги тадқиқот натижалари асосида ёзилган мақолалар қабул қилинади:

Макроиқтисодий барқарорликни таъминлаш;
Камбағалликни қисқартириш;
Ижтимоий ҳимоя (аёллар, болалар, қариялар, ногиронлар ва ҳ.к.)
Меҳнат бозори, миграция ва ишсизлик;
Тадбиркорликни ривожлантириш;
Молия бозори ва банк тизими самарадорлиги;
Ташқи савдони ривожлантириш ва халқаро иқтисодий ташкилотларга интеграция;
Саноат тармоқларини ривожлантириш;
Қурилиш ва инфратузилмаларни ривожлантириш;
Ахборот-коммуникация соҳаси ва иқтисодиёт тармоқларини рақамлаштириш;
Транспорт ва логистика;
Туризм ва HoReCa индустрияси;
Энергетика;
Қишлоқ хўжалиги.

Танловга яшаш ва иш жойидан қатъий назар, Ўзбекистон Республикасининг, шунингдек саноат ва минтақаларнинг иқтисодий ва ижтимоий ривожланиш масалаларини ўрганадиган барча тадқиқотчилар қатнашишлари мумкин.

Энг яхши мақола муаллифнинг иш ва яшаш жойи, лавозими ва мақомидан қатъи назар, сифат кўрсаткичлари асосида холис танланади.

Танлов мукофот жамғармаси 50 миллион сўм:

1 ўрин 25 миллион сўм

2 ўрин 15 миллион сўм

3 ўрин 10 миллион сўм

Танловга Ўзбекистон Республикасини ижтимоий ва иқтисодий ривожлантиришнинг долзарб масалаларига бағишланган ўзбек, рус ёки инглиз тилида ёзилган тўлиқ матнли чоп этилган мақолалар қабул қилинади.