Ушбу даврда Самарқанд вилояти ЯҲМ ҳажми 15,6 трлн. сўмни ташкил этган холда ўтган йилнинг мос даврига нисбатан 6,3% га ўсган, шунингдек ЯИМ таркибида вилоятнинг ҳиссаси 6,4% ни ташкил этган. Аҳоли жон бошига тўғри келадиган ЯҲМ ҳажми эса 3 686,8 минг сўмни ташкил қилган ўтган мос даврга нисбатан 4% га ошган.
Ҳудуд иқтисодиётининг барча тармоқларида яратилган ялпи қўшилган қиймат ҳажми ЯҲМнинг 97,9%ни ташкил этган бўлса, махсулотларга соф солиқлар эса 2,1% ини ташкил этган.
ЯҲМнинг тармоқлар бўйича таркибида саноат улуши 18,1% (2023 йилда 18,3%), қишлоқ хўжалиги улуши 21,8% (2023 йилда 23,2%), қурилишнинг улуши 5,3% (2023 йилда 5,8%) ва хизмат кўрсатиш улуши 54,8% (2023 йилда 52,7%) ни ташкил қилган.
2024 йилнинг январ-март ойларида кичик тадбиркорлик 10 385,7 млрд. сўм (2023 йилнинг январ-март ойларида – 8 416,5 млрд. сўм)ни ва ЯҲМдаги улуши 68,2% (2023 йилнинг январ-март ойларида – 67,4%)ни ташкил этган. Кичик тадбиркорликнинг ЯҲМдаги улушининг ўтган йилнинг мос даврига нисбатан ўсиши йирик корхоналар улушининг камайиши билан боғлиқ.
Иқтисодий тадқиқотлар ва ислоҳотлар маркази
Муртазаев Ардашер
Изоҳ қолдириш