Yangi yo‘nalish: Toshkent - Namangan - Andijon yo‘nalishida poyezdlar qatnovi yo‘lga qo‘yildi
Mazkur poyezdlar haftada ikki marotaba, haftaning seshanba va juma kunlari harakatlanadi.
2021 yil 16 fevral kunidan boshlab, 64/63-sonli Toshkent – Andijon – Toshkent yo‘nalishida harakatlanayotgan yo‘lovchi poyezdi Namangan vokzali orqali qatnovini amalga oshiradi.
O‘ztemiryo‘lyo‘lovchi» AJ xabariga ko‘ra, mazkur poyezdlar haftada ikki marotaba, 64-sonli yo‘lovchi poyezdi haftaning seshanba va juma kunlari Toshkent – Namangan – Andijon yo‘nalishida, 63-sonli yo‘lovchi poyezdi esa haftaning chorshanba va shanba kunlari Andijon – Namangan – Toshkent yo‘nalishida harakatlanadi.
Qo‘shimcha ma’lumotni Toshkent shahridagi 1005 qisqa telefon raqami, joylardagi temir yo‘l kassalari hamda ma’lumotlar byurosidan bilib olish mumkin.
Eslatib o‘tamiz, fevral oyidan “Sharq” hamda “Nasaf” yo‘lovchi poyezdlarining harakat jadvali o‘zgardi.
Izoh qoldirish